امام حسن عسکری علیہ السلام کے فرامین

امام حسن عسکری علیہ السلام کے فرامین

🌹من وعظ اخاہ سراً فقد زانه و من وعظ علانیة فقد شانه
جو اپنے مومن بھائی کو تنہائی میں نصیحت کرتا ہے وہ اس کی شان بلند کر دیتا ہے اور جو علانیہ نصیحت کرتا ہے وہ اس برادر مومن کو رسوا کر دیتا ہے ۔(تحف العقول،ص۵۲۰)
🌷ما اقبح بالمومن ان تکون له رغبة تذله
مومن کے لئے کتنا برا ہے کہ وہ ایسی چیزوں کی خواہش کرے جو اس کے لئے ذلت اور رسوائی کا سبب بنتی ہیں ۔(تحف العقول،ص۵۲۰)

💐اقل الناس راحة الحقود
کینہ رکھنے والے کو کبھی آرام نہیں ملتا ۔(تحف العقول،ص۵۱۸)

🌺لا یشغلک رزق مضمون عن عمل مفروض
رزق کا ضامن خدا ہے اس لئے تمھارا رزق تمھیں واجبات سے نہ روک دے ۔(تحف العقول عن آل الرسول،ص۵۱۹)

🥀التواضع نعمة لا تحسد علیه، تواضع ایسی نعمت ہے جس سے کوئی حسد نہیں کرتا۔(تحف العقول،ص۵۱۸)

🌼من الفواقر اللتی تقصم الظهر ،جارٍ اِن رای حسنة اخفاھا و اِن رای سیئة افشاه
انسان کے لئے ایک کمر شکن مصیبت وہ پڑوسی ہے جو اسکی نیکیوں کو چھپاتا ہے اور اسکی برائیوں کو فاش کرتا ہے(بحارالانوار،ج۷۸،ص۳۷۲)

🌻جرأۃ الولد علیٰ والدہ فی صغرہ تدعوا الیٰ العقوق فی کبرہ
بچپن میں فرزند کی گستاخی بڑے ہو کر اس کے عاق ہونے کا سبب بنتی ہے ۔(بحارالانوار،ج۷۸،ص۳۷۴)

🍁لا تمار فیذھب بھاءک ولا تمازح فیجترء علیک
لڑائی جھگڑے سے انسان کا احترام ختم ہو جاتا ہے اور زیادہ مذاق کرنے سے انسان گستاخ ہو جاتا ہے ۔(بحارالانوار،ج۷۶،ص۵۹)
محتاج دعا ،،،،، ایس کاظمی 🌺

شب ولادت با سعادت گیارھویں تاجدار ولایت و امامت حضرت امام حسن  عسکری علیہ السلام بہت بہت مبارک ہو